Միջազգային կոալիցիան հայտարարել է Իրաքում եւ Սիրիայում «Իսլամական պետություն» ահաբեկչական խմբավորման երեք պարագլուխների վերացման մասին վերջին երեք շաբաթվա ռմբակոծությունների արդյուքնում։ Այս մասին հայտնում է Коммерсант.ru-ն։
«Այս գլխավոր ահաբեկիչների վերացումը հանգեցրել է խմբավորման ղեկավարության եւ նրանց տեղեկատվության տարածման գործունեության խախտման»,-նշված է հայտարարության մեջ:
Գործակալության տվյալներով՝ ԻՊ պարագլուխներից Աբու Ֆայսալը եւ նրա տեղակալ Աբու Քադամահ ալ Իրաքին ոչնչացվել են դեկտեմբերի 1-ին Եփրատ գետի հովտում, նոյեմբերի 28-ին Իրաքում հատուկ գործողությունների ժամանակ էլ վերացվել էր ԻՊ «բարձրաստիճան պաշտոնյա»՝ Մուսթաֆա ալ Զաուին։
Անցյալ շաբաթ ԱՄՆ նախագահ Դոնալդ Թրամփը հայտարարել էր Սիրիայում եւ Իրաքում ԻՊ-ի դեմ տարված հաղթանակի մասին: Դեկտեմբերի 6-ին Սիրիայում ահաբեկիչների ոչնչացման մասին էր խոսել նաեւ Ռուսաստանի գլխավոր շտաբի պետ Վալերի Գերասիմովը: