News
Լրահոս
News
Կիրակի
Սեպտեմբեր 26
Տեսնել լրահոսը

Էներգետիկայի միջազգային օրը՝ դեկտեմբերի 22-ին, Տավուշի մարզի Ենոքավան գյուղում  բացվել է Տավուշի մարզի ամենամեծ արեւային էլեկտրակայանը:

ՀՀ Էներգետիկ ենթակառուցվածքների եւ բնական պաշարների փոխնախարար Հայկ Հարությունյանը բացման ժամանակ նշել է. «Արեւային կայանի բացումը առաջընթաց է դեպի էներգետիկ անվտանգություն։ Դա հնարավորություն է օգտագործելու վերականգնվող էներգիայի Հայաստանի մեծ ներուժը եւ ապահովելու մեր  երկրի էներգետիկ անկախությունը: Նույնիսկ եղանակային անբարենպաստ պայմաններում՝ մառախուղի ժամանակ կայանն արտադրում է 147 կՎտ էլեկտրաէներգիա:  Արեւային քարտեզով Տավուշի մարզը նվազ ռեսուրսներով վայր է մեր հանրապետությունում,  քանի որ այն տեղումնառատ եւ խոնավ գոտի է:  Անբարենպաստ է հատկապես  դեկտեմբերը։ Չնայած դրան, կայանը զարմանալի ցուցանիշներ է ապահովել։ Ընդ որում, արդյունքներն արձանագրվել  են մեր տեղական  արեւային վահանակների կիրառմամբ»:

Ենոքավանում բացված արեւային կայանն ունի 147 կՎտ դրվածքային հզորություն։ Այն կարող է արտադրել տարեկան մինչեւ 208.000 կՎտ ժամ էլեկտրաէներգիա։  Գործարկման արդյուքնում կխնայվի ամսական միջինը 745 հազար դրամ եւ 7.2 տոննայով կնվազեն մթնոլորտ արտանետվող ջերմոցային գազերը: ՀՀ Տավուշի մարզում արեւի ինտենսիվությունը կազմում է ավելի քան 1500 կՎտ ժամ տարեկան 1մ2 մակերեսի վրա, ինչը 1.5 անգամ ավելին է, քան Եվրոպայում։ 

«Հպարտ ենք, որ ԱԳԲԱ Լիզինգն է իրականացրել Տավուշի մարզի ամենահզոր ֆոտովոլտային կայանի ֆինանսավորումը: Մենք մաքուր էներգետիկայի ոլորտում իրականացրել ենք մեծ թվով նախագծեր. արդյունքը գոհացուցիչ է, քանի որ ոլորտում աշխատող կազմակերպությունների հետ կարողացել ենք արդյունավետ փոխհարաբերություններ ստեղծել: Օգտագործելով ֆինանսական ոլորտում մեր երկար տարիների փորձը եւ գործընկերների հետ ամուր հարաբերությունները՝ այսօր կարողանում ենք Green Leasing-ի միջոցով շահավետ պայմաններ եւ նորագույն լուծումներ առաջարկել ներդրողներին», - իր խոսքում նշեց «ԱԳԲԱ Լիզինգ»-ի գլխավոր տնօրեն Արսեն Բազիկյանը:

«Սոլարոն»-ի տեխնիկական տնօրեն Վահե Շարաֆյանը ասաց. «Սա Հայաստանում առաջին «ամենահայկական» կայանն է. եւ´ նախագծումը, եւ´ վահանակների արտադրությունը, եւ´   տեղադրման աշխատանքներն իրականացվել են հայ մասնագետների կողմից:  Բոլոր վահանակների վրա գրված է «made in Armenia»: Կայանի աշխատանքի արդյունավետության կախատեսումների համար դեռ վաղ է, բայց այն շատ կարճ ժամանակահատվածում հասցրել է գրանցել դրական ցուցանիշներ:  Նշեմ նաեւ, որ կայանի նախագծման փուլում վահանակները տեղադրել ենք առանց բետոնավորման աշխատանքներ  իրականցնելու՝ բնությանը չվնասելու համար»:

ՀՀ Տավուշի մարզի ամենամեծ արեւային էլեկտրական կայանը տեղակայված է Ենոքավան գյուղի ակտիվ հանգստի գոտու տարածքում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Brent նավթի գները հասել են երեք տարվա առավելագույնին
Brent տեսակի նավթի նոյեմբերյան ֆյուչերսների գինն աճել է 0.13 տոկոսով...
ՕՊԵԿ-ը սեպտեմբերի 28-ին համաշխարհային նավթային շուկայի հարցով ամենամյա զեկույց կներկայացնի
Տեսակոնֆերանսի ընթացքում ՕՊԵԿ-ի գլխավոր քարտուղար Մոհամմադ Բարկինդոն կներկայացնի զեկույցի հիմնական եզրակացությունները եւ կցուցադրի տեսանյութ, որը պարունակում է դրա հիմնական գաղափարները․․․
Կատարը հայտարարել է, որ չի ծրագրում վերադառնալ ՕՊԵԿ
«Դա որոշում էր, որը մենք ընդունեցինք։ Ինչպես արդեն նշել ենք, մենք պատրաստվում ենք լքել ՕՊԵԿ-ը, քանի որ մենք գազային երկիր ենք»,-ասել է նա։
Թուրքիան հայտարարել է, որ բանակցում է Ռուսաստանի հետ գազի նոր մատակարարումների մասին
Թուրքիան քննարկում է տարբեր երկրների հետ նոր պայմանագրերի կնքման հարցը...
Հենց այս պահին սահմանին գազի գնի շուրջ բանակցություններ են ընթանում. Հարցն արդիական է. Մհեր Գրիգորյան
Ես կոնկրետ պատասխաններ չեմ տա, որովհետեւ հենց այս պահին...
Լիբանանի վարչապետ. Իրանական վառելիքի մատակարարումները խախտում են երկրի ինքնիշխանությունը
«Հեզբոլլահի» կողմից իրանական վառելիքի ներկրումը խախտում է երկրի ինքնիշխանությունը...
Ամենաշատ