ԱՄՆ Ֆինանսների նախարար Սթիվեն Մնուչինը նոր հարկային ծրագրի պատճառով վատ համբավ է ձեռք բերել: Դրա համար, նա Սուրբ Ծնունդին անսովոր նվեր է ստացել՝ ձիու գոմաղբ, հաղորդում էAmericaru-ն:
Այս օրգանական նվեր ուղարկողը Ռոբերտ Սթրոնգն է: Նվերին նա բացիկ է ամրացրել՝ հետեւյալ գրությամբ՝ «Հարգելի պարոնայք, Թրամփ եւ Մնուչին, մենք վերադարձնում ենք այն նվերը, որ դուք մեզ համար պատրաստել էիք: Սա ձիու գոմաղբ է: Ամենաջերմ մաղթանքներն ամերիկյան ժողովրդից. Հ.Գ. Համբուրիր Դոնալդին իմ կողմից»:
Սթրոնգը Լոս Անջելեսի Հոգեկան առողջության դեպարտամենտում հոգեբան է աշխատում: Նա ասել է, որ հասկանում է, որ կարող է կորցնել աշխատանքը:
