Այս պահին քննարկվում է ռուս-հայկական Առեւտրի եւ արդյունաբերության պալատի միասնական հարթակի ստեղծման հարցը: Այս մասին Հայաստանի տնտեսական զարգացման եւ ներդրումների նախարար Սուրեն Կարայանի հետ հանդիպման ժամանակ հայտարարել է Ռուսաստանի արդյունաբերության եւ առեւտրի նախարար Դենիս Մանթուրովը:
Ըստ նրա, այս խնդիրը կներառվի համատեղ մշակվող «ճանապարհային քարտեզ» նախագծում: Նա նշեց, որ անցած ժամանակահատվածում Հայաստանն ու Ռուսաստանը զգալիորեն ընդլայնել են փոխգործակցությունը, ակտիվացրել են շփումները եւ փորձել են թարմացնել փոխգործակցության ձեւաչափը:
«Կարեւոր ենք համարում նաեւ համատեղ անցկացրած միջոցառումները, այդ թվում ռազմաարդյունաբերական համաժողովը, Մոսկվայում եւ Երեւանում մի շարք երկկողմ հանդիպումները», - ասել է նա:
Նա նշել է մի շարք առանցքային ուղղություններ, որոնց փոխգործակցության արդյունքները կարելի է մոտ ապագայում տեսնել:
Նրանց թվում են համագործակցությունը այնպիսի ոլորտներում, ինչպիսիք են ռադիոէլեկտրոնիկան, գյուղատնտեսական մեքենաշինությունը եւ դեղագործությունը:
Մանթուրովը նաեւ նշել է, որ այս բոլոր հարցերը լուծվելու են նաեւ արդյունաբերության հարցով ձեւավորված համատեղ աշխատանքային խմբի գործունեության ընթացքում, որի նիստը նախատեսվում է 2018-ի առաջին եռամսյակում: