WhatsApp մեսենջերի ղեկավարությունը որոշել է 2018 թվականին դադարեցնել մեսենջերի աշխատանքը որոշ հայտնի օպերացիոն համակարգերով աշխատող սմարթֆոններում, հաղորդում է Gazeta-ն` վկայակոչելով International Business Times-ը:
2018 թվականի հունվարի մեկից WhatsApp-ը կդադարի աշխատել Windows 8.0 կամ ավելի հին, ինչպես նաեւ BlackBerry OS կամ BlackBerry 10 օպերացիոն համակարգերով աշխատող սմարթֆոններում: Մեսենջերի անձնակազմը զգուշացրել է, որ աշխատանքի դադարեցումը աստիճանաբար կլինի։
Բացի դրանից, հաջորդ տարի նախատեսվում է դադարեցնել մեսենջերի աշխատանքը Nokia S40 սմարթֆոնի պարագայում, իսկ մինչեւ 2020 թվականը Android 2.3.7 եւ ավելի հին օպերացիոն համակարգերով աշխատող սմարթֆոններում:
