Թուրքիայի իշխող «Արդարություն եւ զարգացում» (AKP) կուսակցության պատգամավոր Շամիլ Թայարը արձագանքել է արտակարգ դրության պայմաններում կառավարության ընդունած սկանդալային որոշմանն ուղղված նախկին նախագահ Աբդուլլահ Գյուլի քննադատությանը։
Թուրքական Cumhuriyet–ի փոխանցմամբ՝ AKP–ի պատգամավոր Շամիլ Թայարը Twitter–ի իր էջում գրել է. «Ընդունված որոշումը վտանգավոր ու անհագստացնող որակած Աբդուլլահ Գյուլը 2019–ի փորձն է անում։ Ընդդիմադիրների հետ միավորվելու եւ AKP–ից հեռանալուն քայլեր է անում։ Բայց ինչ էլ անի, անօգուտ կլինի»։
Նշենք, որ օրեր առաջ Թուրքիայի նախկին նախագահ Աբդուլլահ Գյուլն առաջին անգամ հանդես էր եկել իշխանությունների քննադատությամբ։ Նա ասել էր, թե իշխանությունների կողմից ընդունված որոշումները խիստ անհանգստացնող են ու վտանգավոր։
Նշենք, որ 2019–ին Թուրքիայում կանցկացվեն նախագահական եւ խորհրդարանական ընտրություններ։
