Ռուսաստանն որոշիչ դեր է խաղացել Սիրիայում ահաբեկիչների ոչնչացման հարցում, հերոսների մասին հիշողությունները կամրապնդեն ահաբեկչության եւ երկրում այլ սպառնալիքների դեմ պայքարի վճռականությունը: Այդ մասին հայտարարել է Ռուսաստանի նախագահ Վլադիմիր Պուտինը, հաղորդում է «ՌԻԱ Նովոստի»-ն:
«Մեր հերոսների մասին հիշողությունները կամրապնդեն միջազգային ահաբեկչության եւ երկրում այլ սպառնալիքների դեմ պայքարի վճռականությունը: Ռուսաստանը, ինչպես դա հաճախ տեղի է ունեցել պատմության ընթացքում, խոշոր ու վճռական ներդրում է ունեցել հանցագործ ուժի վերացման հարցում, որը մարտահրավեր էր նետել ողջ քաղաքակրթությանը»,-նշել է Պուտինը զինծառայողներին պետական պարգեւներ հանձնելու արարողության ժամանակ։
Նա ընդգծել է, որ ռուս զինծառայողները գլխավոր դերն են խաղացել «մահ եւ կործանում տարածող ահաբեկչական բանակի, բարբարոսական բռնապետության ոչնչացման» հարցում։
Պուտինի խոսքով՝ ահաբեկչական սպառնալիքը «ձգտում էր Սիրիան դարձնել համաշխարհային ագրեսաիայի համար պետություն-պլացդարմ, որի նպատակը եղել եւ մնում է մեր երկիրը»: