Կիեւի մարզի գետերից մեկում գտել են երեք օր անհետ կորած ուկրաինացի իրավապաշտպան Իրինա Նոզդրովսկայայի մարմինը: Այս մասին«112 Ուկրաինա»-ին ասել է ՆԳՆ պրոֆմիության ղեկավար Իլյա Կիվան:
Նախնական տվյակներով՝ մարմինը կամուրջից ցած են նետել:
Իրավապահները կատարվածը կապում են մահացածի մասնագիտական գործունեության հետ: «Հետաքննության թիմն այժմ աշխատում է, իրեր են որոնվում, այս դեպքի վերաբերյալ նոր վարկածներ են ճշտվում: Հարազատները տեղյակ են հայտնաբերված մարմնի մասին », - ասել է Կիվան:
Իրինա Նոզդրովսկայան իր քրոջ գործն էր վարում, որին 2015 թվականին մահացու վրաերթի էր ենթարկել Վիշգորոդսկու շրջանի դատարանի ղեկավարի զարմիկ Դմիտրի Ռոսոշանսկին: Երիտասարդը, ինչպես պարզվել էր հետագայում, թմրանյութերի ազդեցության տակ էր եղել:
Իրավապաշտպանի անհետացման մասին հայտնի դարձավ դեկտեմբերի 29-ին: Մահացածն ունի անչափահաս դուստր:
