Քենիայում ալ-Շաբաաբի գրոհայինների հարձակման հետեւանքով սպանվել է 5 ոստիկան։ Reuters-ի փոխանցմամբ, հարձակումը տեղի է ունեցել Սոմալիի հետ սահմանի մերձակայքում՝ հյուսիս-արեւելյան Մանդերա կոմսության տարածքում։
Տեղի ոստիկանության ներկայացուցչի խոսքով, գրոհայինները հարձակվել են ոստիկանական մեքենայի վրա։ «Գրոհայինները նաեւ հրդեհել են բեռնատարը։ Ոստիկանները պարեկում էին Էլվակ-Քութոլո հատվածը, երբ դարանի մեջ են հայտնվել»,- նշել են ոստիկանությունից։