Femen շարժման անդամը Կիեւում ԱՄՆ դեսպանատան առջեւ ակցիա է անցկացրել Դոնալդ Թրամփի կերպարում՝ ծաղրի ենթարկելով ԱՄՆ նախագահին եւ Հյուսիսային Կորեայի առաջնորդ Կիմ Չեն Ինին՝ «միջուկային կոճակների» չափսերի համար, փոխանցում է Страна.Ua-ն:
Ակտիվիստուհու մարմնի վրա երեւում էին «Միսթր Մեծ Կոճակ» բառերը, իսկ նրա ձեռքում «միջուկային ճամպրուկը» խոհրդանշող ճամպրուկ էր՝ «միջուկային ֆուտբոլ» գրառմամբ: Ըստ Femen շարժման հայտարարության՝ այս կերպ կազմակերպությունը ծաղրի է ենթարկում «երկու շովինիստ չաղլիկների միջեւ պատերազմը»:
Պարբերականի տվյալներով՝ ակցիայի հեղինակը Դոնեցկի 36-ամյա բնակչուհի Ալեքսանդրա Նեմչինովան էր: