ԱՄՆ նախագահ Դոնալդ Թրամփը երեքշաբթի հանդիպել է երկու կողմերի կուսակցությունների օրենսդիրների հետ` կոչ անելով նրանց փոխզիջմային տարբերակ գտնել հազարավոր երիտասարդ անօրինական ներգաղթյալների ճակատագրի հարցով, հաղորդում է «Ամերիկայի ձայնը»:
Նա կրկին շեշտել է, որ այս հարցով ցանկացած պայմանավորվածությունը պետք է Մեքսիկայի հետ սահմանին պատի կառուցման ֆինանսավորում նախատեսի:
Հանդիպման ընթացքում Թրամփը պատրաստակամություն է հայտնել ստորագրել արտաքսումից ներգաղթյալներին պաշտպանող ցանկացած օրինագիծ, պայմանով, որ այն նախատեսելու է սահմանային անվտանգության ամրապնդման միջոցները, որոնց էլ նա ձգտում է:
«Չկա պատ՝ չկա անվտանգություն», – ասել է նա: