Իտալիայի մայրաքաղաք Հռոմում անցկացվում է հանրային տրանսպորտի աշխատակիցների՝ 2018 թվականի առաջին գործադուլը, փոխանցում է «ՌԻԱ Նովոստի»-ն:
Ոլորտի խոշորագույն արհմիությունները գործադուլ են հայտարարել` դժգոհ լինելով հռոմեական քաղաքապետարանի հետ քաղաքային տրանսպորտի մասին նոյեմբերյան համաձայնագրի դրույթներից, որը, ըստ ցուցարարների, հանգեցրել է իրենց աշխատանքային պայմանների վատթարացմանը: Ազատելով իրենց աշխատանքից, ոլորտի աշխատակիցները ուրբաթ օրը մի շարք բողոքի ակցիաներ կանցկացնեն:
Գործադուլը կշարունակվի 24 ժամ. առավոտյան երթեւեկությունը կկանգնեցվի ժամը 8.30-ին, իսկ երեկոյան կսկսի աշխատել տեղական ժամանակով 17.00-ից մինչեւ 20.00-ը:
Ոլորտի ամբողջական տապալումից խուսափելու համար հռոմեական իշխանությունները բացել են քաղաքի պատմական կենտրոնը բոլոր մարդատար մեքենաների համար, որտեղ սովորական օրերին թույլատրվում է միայն վճարովի բաժանորդների երթեւեկությունը: