Միացյալ Նահանգների նախագահ Դոնալդ Թրամփը հերքում է, որ Օվալաձեւ կաբինետում հանդիպման ժամանակ օգտագործել է անպարկեշտ արտահայտություն Սալվադորի, Հաիթի եւ Աֆրիկյան երկրների նկատմամբ, հաղորդում է BBC-ն։
Ավելի վաղ լրատվամիջոցներին հանդիպման որոշ մասնակիցներ հայտնել էին, որ Թրամփը այդ երկրներն անվանել է «կեղտոտ խորշեր»:
Թրամփը իր թվիթերյան էջում գրել է, որ չի օգտագործել այնպիսի բառապաշար երրորդ երկրների նկատմամբ, որի մասին գրում են լրատվամիջոցները։ Նրա խոսքով՝ նա օգտագործել է բավականին կոշտ արտահայտություն, բայց ոչ այն, ինչ գրում են թերթերը․ «DACA-ի (Բարաք Օբամայի կողմից ընդունված «Ներգաղթյալների երեխաների նկատմամբ միջոցների հետաձգման» ծրագիրը) հարցով հանդիպմանը ես օգտագործել եմ կտրուկ արտահայտություն, բայց ոչ այդպիսի»,-գրել է Թրամփը։
