Արաբ նեդրողները սկսել են Բաքվում անշարժ գույքի օբյեկտներ գնել:
Ինչպես abc.az-ին ասել է Ադրբեջանի ռիելթորների ասոցիացիայի ղեկավար Վաֆադար Ախունդովը, արաբներից շատերը Բաքվում անշարժ գույքով են հետաքրքրվում, հիմնականում նոր շենքերով ու հյուրանոցներով, նույնիսկ հետաքրքրվում են Ադրբեջանի մայրաքաղաքում հյուրանոցների կառուցման պայմաններով:
«Հիմնականում առաջարկներ են ստացվում Կատարի եւ Իրաքի քաղաքացիներից, վերջին շրջանում այս երկրներից զբոսաշրջիկների թիվն աճում է: Նրանք ցանկանում են հյուրանոցներում իրենք սպասարկել իրենց զբոսաշրջիկներին, քանի որ ժամանող արաբ քաղաքացիների մեծ մասը նախընտրում է սեփական խոհանոցը: Եվ սա հիմնական պատճառներից մեկն է»,- ասել է Վ. Ախունդովը:
Նրա խոսքով՝ արաբ ներդրողները հիմնականում հետաքրքրվում են Բաքվի կենտրոնի շենքերով, որոշ հյուրանոցներ արդեն վաճառքի են հանված, սակայն թե կոնկրետ որոնք, հրաժարվել է հայտնել:
