Նախագահ Սերժ Սարգսյանի հետ հանդիպման ժամանակ յուրաքանչյուր կուսակցություն իր դիրքորոշումն է հայտնել քննարկվող հարցերի շուրջ։ Այդ մասին այսօր՝ հունվարի 16-ին Ազգային ժողովում լրագրողների հետ զրույցում ասել է «Ծառուկյան» խմբակցության ղեկավար Գագիկ Ծառուկյանը՝ անդրադառնալով նախորդ շաբաթ Սերժ Սարգսյանի մոտ Ազգային ժողովի ղեկավար կազմի հետ հանդիպմանը։
«Եթե լիներ պատգամավորների հետ հանդիպում, Սերժ Սարգսյանը կգար Ազգային ժողով, նա հրավիրել էր խմբակցության ղեկավարներին եւ հանձնաժողովների նախագահներին։ Եթե տեղեկացված չեք, տեղեկացնեմ», - ասել է նա՝ անդրադառնալով այն մեկնավանություններին, թե ինչու էր «Ծառուկյան» խմբակցությունը ընդունել հրավերը։
Ծառուկյանը նաեւ ասել է, որ հանդիպման ժամանակ յուրաքանչյուր կուսակցություն իր դիրքորոշումն է հայտնել քննարկվող հարցերի շուրջ։
«Հանրապետականն իր տեսակետն է ասել, Դաշնակցությունն իր, Բարգավաճ Հայաստանն էլ իր տեսակետն է արտահայտել», - նշել է նա։
Հիշեցնենք, որ «Ելք» խմբակցությունը հայտարարել էր, որ մերժում է Սերժ Սարգսյանի հրավերը եւ չի մասնակցելու Ազգային ժողովի ղեկավար կազմի հետ անցկացվող հանդիպմանը։
Ինձ համար անփոխարինելի մարդ գոյություն չունի. Ծառուկյանը՝ Սերժ Սարգսյանի մասին