Միացյալ Նահանգներն Աֆրինայում քրդերի դեմ գործողությունների նախապատրաստման մասին Թուրքիայի հայտարարությունների ֆոնին կոչ է արել դադարեցնել էսկալացիան թուրք-սիրիական սահմանին եւ կենտրոնանալ «Իսլամական պետություն» ահաբեկչական խմբավորման դեմ պայքարի վրա։ Այս մասին ՏԱՍՍ-ին հայտնել է ԱՄՆ պաշտպանության նախարարության մամուլի ծառայության աշխատակից, ծովային հետեւակազորի կորպուսի մայոր Ադրիան Ռենկին Գելոուեյը։
«Կոալիցիան Աֆրինայում գործողություններ չի իրականացնում, քանի որ այն կենտրոնանացած է ԻՊ-ի դեմ ռազմական գործողությունների վրա: Մենք կոչ ենք անում բոլոր կողմերին խուսափել հետագա էսկալացիայից եւ կենտրոնանալ ԻՊ-ի ոչնչացման վրա, որը բոլորի համար սպառնալիք է»,-ասել է նա:
Կիրակի օրը Թուրքիայի ղեկավարը վերահաստատել էր քրդերի դեմ Սիրիայի հյուսիսում՝ Աֆրինայում եւ Մանբիջում «Եփրատի վահան» գործողությունների շարունակման հնարավորության մասին։