Գյումրիում 2016թ. հուլիսի 11-ին ամուսինների ողբերգական ելքով վրաերթի գործով առաջին նիստի օրը հայտնի է: Երիտասարդ ամուսիններ 30-ամյա Նելսիկ Ղազարյանի եւ 23-ամյա Արփինե Մանուկյանի վրաերթի գործով առաջին դատական նիստը տեղի կունենա հունվարի 19-ին՝ Շիրակի մարզի ընդհանուր իրավասության դատարանում՝ դատավոր Վահե Միսակյանի նախագահությամբ:
Նշենք, որ այս գործով մեղադրյալը Գյումրիի բնակիչ 20-ամյա Ալբերտ Խանոյանն է, որը 2017թ. հուլիս ամսից գտնվում է կալանքի տակ:
Ըստ մեղադրանքի՝ Ալբերտ Խանոյանը 2017 թ. հուլիսի 11-ին ժամը 21:30-ի սահմաններում իր վարած «Օպել Աստրա» մակնիշի 15 XX550 հաշվառման համարանիշի ավտոմեքենայով Գյումրի, քաղաքի Վ. Սարգսյան փողոցով դեպի Շ. Ազնավուրի հրապարակ շուրջ 60կմ/ժ արագությամբ ընթանալիս թույլ տալով ՃԵԿ կանոնների խախտում վրաերթի է ենթարկել Արփինե Մանուկյանին եւ Մելսիկ Ղազարյանին անզգուշությամբ առաջացնելով նրանց մահը:
Ալբերտ Խանոյանին մեղադրանք է առաջադրվել ՀՀ ՔՕ 242 հոդվածի 3-դ մասով՝ Ճանապարհային երթեւեկության եւ տրանսպորտային միջոցների շահագործման կանոնները խախտելը:
