Մոսկվայի միջազգային հարաբերությունների ինստիտուտի (ՄՄՀԻ) շրջանավարտներին Լեհաստանի ԱԳՆ-ից կազատեն, հայտնել է RMF FM ռադիոկայանը՝ հղում անելով իր աղբյուրներին:
Վերջերս Արտաքին գործերի նախարարությունը գլխավորեց Յացեկ Չապուտովիչը, որը փոխարինեց Վիտոլդ Վաշչիկովսկուն: Ռադիոկայանի հաղորդմամբ՝ Վաշչիկովսկու հրաժարականի գլխավոր պատճառներից մեկը «արմատական կադրային փոփոխություններ կատարելու ցանկության բացակայությունն էր»:
«Չապուտովիչը հրաժեշտ կտա հին աշխատողներին, հիմնականում ՄՄՀԻ-ի շրջանավարտներին եւ նոր կադրերի կընդունի՝ անգամ նրանց պատրաստվածության մակարդակի նվազեցման հաշվին», — նշվում է հաղորդագրության մեջ:
Ռադիոն նկատում է, որ ներկայիս արտգործնախարարը, երբ դեռ փոխնախարար էր, նոր աշխատողների որակավորման պահանջների կրճատմանն էր հասել: