Viber-ի համակարգչային տարբերակը Windows եւ Mac պլատֆորմների համար թարմացվել է: Մեսենջերում մի շարք նոր գործառույթներ են հայտնվել, իսկ արդեն գոյություն ունեցող հնարավորությունները կատարելագործվել են, հաղորդում է Planet-today-ը:
Այժմ Viber-ի օգտատերերը խմբակային չաթերում հաղորդագրությունները կկարողանան ամրացնել ոչ միայն հեռախոսով, այլեւ համակարգչով: Խմբի ադմինիստրատորը կարող է մեկ քլիքով տեքստային մենյուում դա անել: Մկան աջ հատվածով նշելով տեքստի ընգծված մասի վրա, կարելի է ակնթարթորեն համացանցում որոնում սկսել:
«Մենք ձգտում ենք բոլոր պլատֆորմներում մեր օգտատերերի համար շփման լավագույն փորձը ներկայացնել, այդ պատճառով անընդհատ կատարելագործում ենք Viber-ը եւ ընդլայնում ենք դրա գործառույթների թիվը: Մեր նպատակն է Viber-ը ընկերների հետ շփման, նորությունները կարդալու, գնումների եւ այլ նպատակներով լիարժեք հարթակ դարձնել», - ասել է ԱՊՀ-ում, Գերմանիայում եւ Ֆրանսիայում Viber-ի հաղորդակցությունների հարցերով տնօրեն Յանա Ռոժկովան: