Եվրամիությունը եւ Թուրքիան մտադիր են այս տարվա մարտին բարձր մակարդակով հանդիպում անցկացնել: Այս մասին հաղորդում է գերմանական Welt թերթը:

 Ակնկալվում է, որ բանակցություններին կմասնակցեն Թուրքիայի նախագահ Ռեջեփ Թայիփ Էրդողանը, Եվրահանձնաժողովի նախագահ Ժան Կլոդ Յունկերը, Եվրախորհրդի նախագահ Դոնալդ Տուսկը, Եվրախորհրդարանի նախագահ Անտոնիո Տայանին, ինչպես նաեւ Բուլղարիայի վարչապետ Բոյկո Բորիսովը:

Հրատարակության համաձայն՝ գագաթաժողովը կարող է անցկացվել Բրյուսելում կամ Սոֆիայում: Հնարավոր թեմաներից են ահաբեկչության դեմ պայքարը, էներգետիկան, միգրացիան, ուսանողների փոխանակումները: