Բուրյատիի կառավարությունում հայտնել են, որ Ուլան Ուդեի դպրոցի վրա հարձակվող անձիք երեքն են եղել, հաղորդում է «ՌԻԱ Նովոստի»-ն:
Հարձակումը տեղի է ունեցել առավոտյան Սոսնովի Բոր գյուղում: Իշխանությունների տվյալներով՝ դիմակավորված երեք երիտասարդներ ներխուժել են թիվ 5 դպրոց: Նրանք այրվող խառնուրդով լցված մի շիշ են նետել ռուսաց լեզվի եւ գրականության դասարան, որտեղ ընթանում էր յոթերորդ դասարանցիների դասը, դասարանում կրակ է սկսվել։
Երբ աշակեերտները եւ ուսուցիչը դուրս են եկել դասասենյակից, չարագործները նրանց հարվածել են կացնով։
Նախնական տվյալներով՝ հոսպիտալացվել են չորս տուժողներ, նրանց թվում՝ երեք 7-րդ դասարանցիներ։ Ձերբակալման ժամանակ իրեն վիրավորել է նաեւ հանցագործներից մեկը, նրան հիվանդանոց են տեղափոխել պահակախմբի հսկողությամբ։ Մյուս երկուսի որոնումները շարունակվում են։
Ավելի վաղ տարբեր տեղեկություններ էր հայտնվում հարձակվողների թվի մասին։ Աղբյուրի տվյալներով՝ նրանք մեկից երեքն էին։ Տուժածների մասին նույնպես ճշտվում է։ Հանրապետության դատախազության տվյալներով՝ դպրոցի վրա հարձակումից հետո հիվանդանոց են տեղափոխվել 6 մարդ։
Սա այս շաբաթ արդեն երկրորդ դպրոցի վրա հարձակման դեպքն է: Երկուշաբթի օրը Պերմի №127 դպրոցում դանակահարության արդյունքում 15 մարդ էր վիրավորվել, այդ թվում՝ մանկավարժը եւ կրտսեր դասարանների աշակերտներ:
