Չեխիայի խորհրդարանի Ստորին պալատի անդամների մեծամասնությունը կողմ է քվեարկել երկրի վարչապետ, «Դժգոհ քաղաքացիների ակցիա» քաղաքական շարժման առաջնորդ Անդրեյ Բաբիշին անձեռնմխելիությունից զրկելուն, փոխանցում է «ՏԱՍՍ»-ը: Այս որոշումը փոստացիորեն Բաբիշի քրեական հետապնդման սկիզբ է նշանակում, որը մի քանի ամիս առաջ մեղադրվում էր խարդախության համար:
Սկանդալն առաջացել էր հանրապետության խորհրդարանական ընտրություններից առաջ, որոնցում շարժումը համոզիչ հաղթանակ էր տարել: Հետաքննության համաձայն՝ Բաբիշն իր կողմնակիցների հետ միասին անօրինական սխեմա էր կազմակերպել, որի միջոցով ԵՄ հիմնադրամների միջոցներից 50 միլիոն կրոն էր յուրացրել: Վարչապետը հերքում է բոլոր մեղադրանքները եւ մտադիր է ապացուցել իր անմեղությունը դատարանում: Բաբիշի խոսքով՝ իրավապահ մարմիններն այս քայլով կատարում են քաղաքական մաֆիայի պատվերը:
