Աֆղանցի ուժայիններին ներկայումս հաջողվել է Քաբուլի Intercontinental Hotel հյուրանոցից 30 մարդու փրկել, որի վրա մի քանի գրոհային է հարձակվել, հայտնում է տեղական Tolo հեռուստաալիքը:
Ստացված տեղեկությունների համաձայն՝ կա 35 զոհ եւ տուժած, սակայն այս կապակցությամբ դեռեւս պաշտոնական ճշգրիտ տվյալներ չկան: Հայտնի է դարձել նաեւ, որ հյուրանոցի հարկերից մեկում հրդեհ է բռնկվել:
Ավելի վաղ հաղորդվել էր, որ գրոհայինները մի քանի մարդու պատանդ են վերցրել: Տարբեր տեղեկություններով՝ հարձակվողները երեքն են կամ չորսը, նրանք մահապարտի գոտիով են: Երկրի ՆԳՆ-ն հարձակման փաստը հաստատել է: Ոստիկանությունը շրջապատել է շենքի շուրջ ընկած տարածքը, անվտանգության մարմինների աշխատակիցների եւ գրոհայինների միջեւ տեղի է ունեցել փոխհրաձգություն: