News
Լրահոս
News
Երեքշաբթի
Հունվար 22
Տեսնել լրահոսը

Facebook կորպորացիան մտադիր է Եվրամիության երկրներում 3 կենտրոն բացել, որտեղ ցանկացողները տարբեր տեղեկատվական տեխնոլոգիաների կիրառում կսովերեն: Այս մասին  Reuters-ի հետ հարցազրույցում ասել է ընկերության օպերացիոն տնօրեն Շերիլ Սանդբերգը:

Այդ կենտրոնները կհայտնվեն Իսպանիայում, Լեհաստանում եւ Իտալիայում: Ծրագրվում է, որ 2 տարվա ընթացքում այնտեղ ուսուցում կստանա մոտ մեկ մլն մարդ: Հատուկ ուշադրություն կդարձվի տարեցներին, երիտասարդներին եւ փախստականներին: Սպասվում է, որ ծրագրի մեջ կմտնի մեդիա ոլորտի հետազոտումը եւ ինտերնետից անվտանգ օգտվելու դասընթացը:

Դրանից բացի, Facebook-ը մտադիր է մոտ 12.2 մլն դոլար ծախսել Ֆրանսիայում իր կառույցի աշխատանքի համար, որը զբաղվում է արհեստական ինտելեկտի մշակումներով: Սանդբերգն ընդգծել է, որ Facebook-ը ձգտում է միջոցներ ներդնել ինչպես տեխնոլոգիաների զարգացման, այնես էլ մարդկային պոտենցիալի մեջ:

Վերջին ամիսներին ԵՄ-ում առաջարկներ էին կատարում ԱՄՆ խոշոր տեխնոլոգիական ընկերությունների, այդ թվում Facebook-ի վրա լրացուցիչ հարկեր սահմանելու մասին: Եվրահանձնաժողովի գնահատմամբ՝ համաշխարհային թվային շուկայի առաջնորդները օգտվելով եվրոպական օրենսդրության թերություններից՝ զգալիորեն կրճատում են ԵՄ-ին վճարվող իրենց հարկերի ծավալները:

2004 թվականի փետրվարի 4-ին հիմնադրված Facebook-ի ամենամսյա լսարանն անցնում է ամբողջ աշխարհում 2 մլրդ օգտատիրոջից: Նախկինում Ցուկերբերգը բազմիցս ասել է, որ սոցցանցը մտադիր է 2030 թվականին համացանցի օգտատերերի թիվը մինչեւ 5 մլրդ-ի հասցնել:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ֆրանսիան 50 մլն եվրոյի տուգանել է Google-ին
Անցյալ տարի Եվրահանձնաժողովը ռեկորդային գումարով՝ 4,34 մլրդ եվրոյով տուգանել էր Alphabet-ին․․․
Երեւանում տեղի կունենա Կապի տարածաշրջանային համագործակցության կոմիտեի 14-րդ նիստը
Նիստի աշխատանքներին կմասնակցեն 100-ից ավելի ներկայացուցիչներ ԱՊՀ անդամ պետություններից...
Facebook-ը սատարելու է արհեստական ինտելեկտի էթիկան ուսումնասիրելու նախագիծը
Հնգամյա ծրագիրը ենթադրում է արհեստական ինտելեկտի տարբեր ասպեկտների ուսումնասիրություն…
Apple-ը կրկին վաճառքի է հանել iPhone SE-ը
Առաջինի դեպքում գինը 250 դոլար է…
Ադրբեջանական հաքերները կոտրել են մոտ 2 հազար հայկական էլ․փոստ եւ ֆբ հաշիվներ. Սամվել Մարտիրոսյան
Հաքերները հայտարարում են, որ 10 հազար հաշիվ են գողացել, բայց խիստ գերագնահատում են իրենց արածը...
Facebook-ը կատակները դիտելու սերվիս է նախագծում
Օգտատերերը կկարողանան ցանցի միջոցով տեսագրություններ եւ անիմացիա դիտել...
Ամենաշատ
Ֆոտոռեպորտաժներ