Telegram մեսենջեիի հիմնադիր Պավել Դուրովը բաժանորդներին զգուշացրել է զերծ մնալ «գրամ» թոքեններ գնելուց եւ կոչ է արել նման առաջարկների մասին հայտնել հատուկ ստեղծված Telegram ալիքում, փոխանցում է «ՌԻԱ Նովոստի»-ն:
«Եթե տեսել եք կամ առաջարկ ստացել «Grams գնելու» մասին (գրամը, ենթադրաբար, Telegram Open Network բլոքչեյն պլատֆորմի ապագա կրիպտոարժույթի անվանումն է), այդ մասին մեզ հայտնեք Antiscam (հակախարդախություն) ալիքում»,- իր Twitter-ում գրել է Դուրովը:
Հունվարի սկզբին TechCrunch պարբերականը նշել էր, որ Telegram-ը քննարկում է վերավաճառքի շրջանակում մինչեւ 500 մլն դոլար ներգրավելու մասին: Հունվարի 17-ին Bloomberg-ը, վկայակոչելով ընկերության ներդրումային առաջարկները, հայտնել էր, որ Тelegram-ը ծրագրում է մինչեւ 2018-ի փետրվարի վերջը 600 լն դոլար ներգրավել իր Telegram Open Network բլոքչեյն հարթակում թոքենների փակ տեղաբաշխման շրջանակում, եւ եւս 600 մլն՝ թոքենների հրապարակային վաճառքի հաշվին, որը կարող է մարտին սկսվել:
