ԱՄԷ-ի քաղաքացիական պաշտպանության ծառայությունները բնակիչների տներում հրդեհային ազդանշաններ կտեղադրեն: Այս մասին հայտարարել է ԱՄԷ փոխնախագահ եւ վարչապետ, Դուբայի կառավարիչ, շեյխ Մուհամմեդ բեն Ռաշիդ ալ Մակտումը, հաղորդում է «ՌԻԱ Նովոստին»:
«Մենք ԱՄԷ-ի քաղաքացիական պաշտպանության ծառայություններին հանձնարարել ենք բոլոր էմիրաթցիների տներում ապահովել անհրաժեշտ հրդեհային համակարգերի տեղադրումը: Համակարգը ուղղակի կապ կհաստատի քաղաքացիական պաշտպանության հետ: Կառավարությունն իր վրա կվերցնի այն բնակիչների տեղադրման ծախսերը, ովքեր չունեն դրա համար անհրաժեշտ միջոցներ»,- Twitter-ում գրել է Մուհամմեդ բեն Ռաշիդ ալ Մակտումը:
Երկուշաբթի Ֆուջեյրա էմիրաթում մեծ հրդեհ էր բռնկվել, տանը ծխի թունավորման հետեւանքով մահացել էր յոթ երեխա: