Չինաստանի Սինցզյան-Ույգուրի ինքնավար շրջանում նոր «Մեծ պատ» կհայտնվի, հաղորդում է China Daily-ն՝ վկայակոչելով տարածաշրջանի խորհրդի ղեկավար Շոքրատ Զաքիրին, փոխանցում է «ՌԻԱ Նովոստի»-ն:
Պետական սահմանի՝ 5.7 հազար կիլոմետր երկարությամբ անվտանգության ամրապնդման գաղափարը պաշտոնյան բացատրել է «ծայրահեղականության, անջատողականության եւ ահաբեկչության ներթափանցման վտանգով»:
«Մենք կփորձենք անել հնարավոր ամեն բան, որպեսզի առանցքային շրջանների անվտանգության եւ սոցիալական պաշտպանության ապահովման հարցում ճեղքվածքներ կամ անտեսանելի կետեր չլինեն»,- նշել է տարածաշրջանային խորհրդի նախագահը Ուրումչիում կայացած 13-րդ Շրջանային ժողովրդական համաժողովի ժամանակ: