2017 թվականին ԵՄ հյուրանոցներում զբոսաշրջիկների անցկացրած գիշերների թիվը հասել է ավելի քան 3,2 միլիարդի՝ 2016 թվականի համեմատ ավելանալով 5,1 տոկոսով: Այս մասին հաղորդում է «Եվրոպեյսկայա պրավդան»՝ վկայակոչելով Եվրոպական վիճակագրությանը:

Հաղորդվում է, որ 2009 թվականից ԵՄ-ում զբոսաշրջիկների գիշերելու վայրերում անցկացված գիշերների քանակի կայուն աճ է արձանագրվել:

Ըստ Եվրոպական վիճակագրության՝ 2017 թվականին Իսպանիան (471 մլն գիշեր + 3,6 տոկոս՝ 2016-ի համեմատ) պահպանում  է առաջատարի դիրքը՝ առաջ անցնելով Ֆրանսիայից (431 մլն, + 6,6 տոկոս), Իտալիայից (425 մլն, + 5,4 տոկոս) եւ Գերմանիայից (400 մլն, + 2,7 տոկոս):

2017 թվականին հյուրանոցներում եւ զբոսաշրջիկների համար նախատեսված այլ վայրերում անցկացված գիշերների քանակը աճել է գրեթե բոլոր անդամ երկրներում, սակայն ամենաբարձր աճը նկատվել է Լատվիայում (+ 12.0 տոկոս), Սլովենիայում (+ 11.3 տոկոս) եւ Խորվաթիայում (+10.6):

Նրնաց հաջորդում է Պորտուգալիան (+8.0 տոկոս), Չեխիան (+7,7 տոկոս) եւ Կիպրոսը (+7.3 տոկոս):

Լյուքսեմբուրգում աննշան անկում է նկատվել (-1.0 տոկոս, ինչը համարժեք է 28 հազար գիշերվա):