News
Լրահոս
News
Հինգշաբթի
Նոյեմբեր 15
Տեսնել լրահոսը

Հայաստանը կարող է հետաքրքիր լինել լիբանանցի գործարարների համար: Այս մասին, Դավոսում շարունակվող Համաշխարհային տնտեսական համաժողովի շրջանակում Լիբանանի վարչապետ Սաադ Հարիրիի հետ հանդիպման ժամանակ նշել է ՀՀ վարչապետ Կարեն Կարապետյանը:

Կառավարությունից NEWS.am-ին հայտնում են, որ Կարեն Կարապետյանը նշել է, որ Հայաստանը եւ Լիբանանն ավանդաբար ամուր եւ բարեկամական հարաբերություններ են ունեցել, եւ Հայաստանի կառավարությունը շահագրգռված է  դրանք առավել խորացնելու ու ընդլայնելու հարցում: Վարչապետները նաեւ կարեւորել են Լիբանանի հայ համայնքի դերը երկու երկրների միջեւ փոխգործակցության եւ ամուր կապերի առկայության տեսանկյունից: 

Կարեն Կարապետյանը գործընկերոջը ներկայացրել է Հայաստանի տնտեսական զարգացման միտումներն ու նախաձեռնված բարեփոխումները՝ նշելով, որ անցած տարի բավականին լավ ցուցանիշներ են արձանագրվել,  եւ  կառավարությունը վճռական է շարունակելու բարեփոխումները: Անդրադառնալով համագործակցության հեռանկարներին՝ ՀՀ վարչապետը տեղեկացրել է, որ  Հայաստանը, լինելով  ԵՏՄ անդամ, Եվրամիության հետ ունենալով GSP+ առեւտրային ռեժիմ եւ Համապարփակ եւ ընդլայնված գործընկերության համաձայնագիր,  շատ լավ հարաբերություններ ունենալով Իրանի հետ, կարող է հետաքրքիր լինել լիբանանցի գործարարների ու ներդրողների համար:

Լիբանանի վարչապետ Սաադ Հարիրին իր հերթին նշել է, որ իրենք մտադիր են  սերտորեն աշխատել Հայաստանի ու հայկական բիզնեսի հետ եւ պատրաստակամ են կոնկրետ քայլեր իրականացնել այդ ուղղությամբ: 

Սաադ Հարիրին վարչապետ Կարեն Կարապետյանին հրավիրել է այցելել Լիբանան, որը սիրով ընդունվել է Հայաստանի վարչապետի կողմից:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Ասիական զարգացման բանկը Հայաստանին 50 միլիոն դոլար վարկ կտրամադրի
ԱԶԲ–ն ծրագրի առաջին հատվածի շրջանակներում 40 միլիոն դոլար է տրամադրել նախորդ տարի...
ՊԵԿ-ում «Արփի գազ» եւ «Գլաձոր Մ.Գ.Հ.» ընկերությունների նկատմամբ հարուցվել են քրգործեր
Ընկերությունները 2015-2018 թվականների ընթացքում պետական բյուջե չեն վճարել առանձնապես խոշոր չափի գումարներ...
Դոլարի փոխարժեքը նվազել է. էժանացել է նաեւ եվրոն
Թանկարժեք մետաղների համար բանկի կողմից սահմանվել են հետեւյալ գները...
«Մեր թիմը մնացել է ամուր». «Բիզնես Արմենիա» հիմնադրամի գործադիր տնօրենը հրաժարականի դիմում է ներկայացրել
Իմ աշխատանքի ամենահաճելի մասը Ձեր աչքերի «կրակն» ու «կայծը» տեսնելն էր՝ ցանկացած նոր լուծված խնդրի, դժվարության հաղթահարման եւ նոր ներդրումների որոշման կայացման առիթով...
«Ռոյալ Գլաս Գրուպ» ՍՊԸ-ն արտոնություն ստացավ. Նա 20 հա այգի է հիմնելու, հյութերի արտադրամասն է ընդալյնելու
Ինտենսիվ այգիները համալրվելու են ժամանակակից համակարգերով, ներառյալ հակակարկտային համակարգով...
Հայկ Մարությանին հետաքրքրում է տրանսպորտի եւ աղբահանության ոլորտներում ճապոնական քաղաքների փորձը
Հույս է հայտնել, որ հայաստանցիները եւս կսկսեն ավելի հաճախ գործարար եւ զբոսաշրջային այցեր կատարել Ճապոնիա
Partner news