Մեծ Բրիտանիայի Լորդերի պալատի անդամ, բարոնուհի Քերոլայն Քոքսը տեսաուղերձ է հրապարակել՝ ողջունելով Հայաստանի Հանրապետական կուսակցության կողմից Մեծ Բրիտանիայում Հայաստանի դեսպան Արմեն Սարգսյանին Հայաստանի նախագահի պաշտոնում առաջադրելու որոշումը:
«Գերազանց լուր լսեցի, որ Մեծ Բրիտանիայում Հայաստանի դեսպան Արմեն Սարգսյանը հրավիրվել է առաջադրվելու Հայաստանի նախագահի պաշտոնում: Անչափ ուրախ եմ: Ես Սարգսյանին հանդիպել եմ շատ տարիներ առաջ, երբ նա Հայաստանի վարչապետն էր:
Նա երեք անգամ եղել է Մեծ Բրիտանիայում Հայաստանի դեսպանը: Արմեն Սարգսյանն ունի հրաշալի փորձ ու գիտելիքներ և շատ բան կարող է անել իր դիվանագիտական հմտությունների, վերլուծական կարողությունների շնորհիվ: Նա հրաշալի դեսպան է եղել Հայաստանի համար», - տեսաուղերձում նշել է բարոնուհի Քոքսը:
