«Ռոսսելխոզնադզորը» «Դոմոդեդովո» օդանավակայանում թույլ չի տվել անցկացնել Հայաստանից մատակարարված կենդանի խեցգետնի խմբաքանակը: Այս մասին հայտնել են «Ռոսսելխոզնադզորի» Մոսկվայի, Մոսկվայի եւ Տուլայի մարզերի վարչության մամուլի ծառայությունից
««Դոմոդեդովո» օդանավակայանում «Դոմոդեդովո-Կարգո» ՓԲԸ ժամանակավոր պահման պահեստներում կասեցվել է Հայաստանի Հարապետությունից մատակարարված 2018 թվականի հունվարի 25-ի հավաստագրով ուղեկցվող 1 տոննա կենդանի խեցգետնի խմբաքանակի ձեւակերպումը»,- նշված է հաղորդագրության մեջ:
Սահմանապահ անասնաբուժական ստուգմամբ պարզվել է, որ խախտվել է բեռի փաթեթավորման ամբողջականությունը: Դրանից բացի, անասնաբուժական հավաստագրում նշված արտադրանքի արտադրման ժամկետը չի համապատասխանում մակնշման պիտակների վրա նշվածին: Արդյունքում բեռը կալանվել է:
