Կրիպտոարժույթի կարգավորումը չի կարող իրականացվել միայն մեկ երկրի շրջանակներում եւ պետք է լինի անդրազգային: Ալմաթիյում կայացած «Թվային օրակարգը գլոբալիզացման դարաշրջանում» ֆորումի ժամանակ այս մասին ասել է Ռուսաստանի Դաշնության վարչապետ Դմիտրի Մեդվեդեւը: Նա առաջարկել է միասնական կարգավորումը ներդնել Եվրասիական տնտեսական միության երկրներում (ԵԱՏՄ), գրում է «Վեդոմոստի»-ն:
«Ինչ եմ ես ուզում ասել կրիպտոակտիվների կապակցությամբ. մեր դեպքում մենք չպետք է մեկուսացվենք ազգային մոդելի շրջանակներում: Այստեղ գործընկերներն ասում էին, որ հնարավոր կլինի վճարել կրիպտոարժույթներով: Եկեք ավելի ուշադիր վերաբերվենք դրան, քանի որ մեր տնտեսությունները չափազանց սերտորեն են կապված»,- ասել է Մեդվեդեւը, փոխանցում է «ՏԱՍՍ»-ը:
«Հնարավոր չէ ներդնել այս սկզբունքները (կրիպտոարժույթի կարգավորման) մեկ երկրի ներսում. մենք պետք է մոտեցնենք մեր մոտեցումները միության մակարդակով»,- ասել է ՌԴ վարչապետը:
