News
Լրահոս
News
Չորեքշաբթի
Նոյեմբեր 21
Տեսնել լրահոսը

Մարտի 1–ի գործի բացահայտումը ապացուցողական բազայի խնդիր է։ Այս մասին NEWS.am–ի հետ զրույցում ասաց ՀՀԿ խմբակցության պատգամավոր, նախկին գլխավոր դատախազ Գեւորգ Կոստանյանը։

«Քաղաքականությունը սրա հետ կապ չունի, խնդիրը հետեւյալի մեջ է, երկար տարիներ են անցել, ապացուցողական բազայի ձեւավորման խնդիր կա»,–ասել է  Գեւորգ Կոստանյանը։

Դիտարկմանը՝ ստացվում է՝ գործը չբացահայտելու միտում կա՝ հաշվի առնելով նաեւ առաջիկա տարիների ազդեցությունը իր նշած «ապացուցողական բազայի» վրա, Կոստանյանն արձագանքեց. «Բազմաթիվ օրինակներ կան, որ 15–20 տարի հետո բացահայտվում է որեւէ հանցագործություն, դա չափանիշ չէ»:

Հարցին՝ այս իշխանությունը երբեւէ քաղաքական կամք կունենա՞  մարտի 1–ի հանցագործությունը բացահայտելու, ի վերջո տասը քաղաքացի է սպանվել ու որեւէ մեկը տասը տարվա ընթացքում պատասխանատվության չի ենթարկվել, նախկին գլխավոր դատախազը հորդորեց իշխանության հետ չկապել այս հանցագործությունը. «Մարտի 1-ը իշխանության  հետ մի կապեք: Ի հայտ կգա մի հանգամանք, մի տեղեկություն ու փաստ, որի հիման վրա կհայտնաբերվեն։ Ես հիմա չգիտեմ՝ ինչ փուլում է գործի քննությունը, բայց այն հանգամանքը, որ գործը կարճված ու կասեցված չի, նշանակում է քննությունը ընթացքում է:  Եթե քրեական գործը բացահայտված լինի, երկու ճանապարհ կա՝ կամ գործը դատարան է գնում, կամ կարճվում է, եթե դրանք արված չեն, ուրեմն դեռ անելիքներ կան: Քննությունը ընթանում է եւ ես վստահ եմ, որ արդյունավետ կլինի»:

Դիտարկմանը՝ մարտի 1–ը համարո՞ւմ է այս իշխանության խարանը, որը 10 քաղաքացու սպանության  համար գեթ մեկ հոգու պատասխանատվության չենթարկեց, Կոստանյանը պատասխանեց. «Ցանկացած չբացահայտված հանցագործություն անընդունելի է պետության համար, այդ թվում՝ դա: Այստեղ խնդիրը ոչ այնքան  բացահայտված չլինելն է, որքան այն ակնկալիքը, որ բոլորս ունենք, որովհետեւ մեզ պետք է, որ մենք կարողանանք այդ հանցագործության քննությունը պատշաճ իրականացնենք եւ նաեւ բացահայտենք բոլոր  մեղավորներին, հիմքերն ու պատճառները դրանք շտկելու համար»։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սերժ Սարգսյանին ինչո՞ւ չեն բռնել, էս ի՞նչ հարցադրում ա. Փաշինյանը՝ լրագրողին
Սերժ Սարգսյանին ինչո՞ւ չեն բռնել, էս ի՞նչ հարցադրում ա, հիմա որ ասեմ՝ մյուս շաբաթ կբռնեն, կասեք՝ ճնշումներ կան իրավապահների վրա, կամ ասենք՝ ասեմ ու չբռնեն...
Կրակող ցուցարարի տեսանյութը ներկայացվել է Վճռաբեկին. Ալումյան
Մեղադրանքի մեջ այնպիսի ձեւակերպումներ կան, որ ցուցարարները եղել են բացառապես խաղաղ տրամադրված եւ անզեն...
Քոչարյանի մեղադրանքում ավելացել է բառերի քանակը. պաշտպան
Երկրորդ նախագահին առաջադրված մեղադրանքի իրավական որակումը չի փոխվել...
Որոշումից առաջին տպավորությունս բացասական է. Քոչարյանի պաշտպան
Շատ մեծ հավանականություն կա, որ կդիմենք Մարդու իրավունքների եվրոպական դատարան...
Չեմ կարծում, թե Քոչարյանը չէր ցանկանում շփվել լրագրողների հետ. Ալումյան
Ոչ ես, ոչ ինքն առանձնապես տեղյակ չէինք, որ լրագրողներն այստեղ են...
Վճռաբեկ դատարանը հրապարակեց Քոչարյանի խափանման միջոցի վերաբերյալ որոշումը
Վճռաբեկ դատարանը որոշում կայացրեց մասնակի բավարարել գլխավոր դատախազ Արթուր Դավթյանի բողոքը․․․
Partner news