Իսրայելի կառավարությունը օրինականացնում է Հորդանան գետի Արեւմտյան ափի հրեա վերաբնակիչների ֆորպոստը պաղեստինցի զինյալների կողմից այնտեղ բնակվող րաբբիի սպանությունից հետո։ Այս մասին հայտարարել է վարչապետ Բենիամին Նեթանյահուն, փոխանցում է «ՌԻԱ Նովոստի»-ն։
«Այսօր կառավարությունը կկարգավորի Հավաթ Գիլաթի կարգավիճակի հարցը, որպեսզի պայմաններ ստեղծի այնտեղ նորմալ կյանքի համար»,- կիրակի՝ կառավարության նիստի ժամանակ հայտարարել է Նեթանյահուն։
Հունվարի սկզբին զինյալները սպանել էին Հավաթ Գիլաթի բնակիչ 35-ամյա րաբբիին՝ 6 երեխաների հայր Ռազիել Շեւահային՝ կրակելով նրա մեքենայի վրա Արեւմտյան ափի մայրուղիներից մեկում:
Նաթանյահուն խոստացել էր, որ հանցագործներին կգտնեն եւ պատժի կենթարկեն։