Թուրքիայի խորհրդարանի հայ պատգամավոր Կարո Փայլանը դատապարտել է թուրքական իշխանությունների քաղաքականությունը Աֆրինի հետ կապված։

Թուրքական Duvar պարբերականի փոխանցմամբ՝ Կարո Փայլանը հիշեցրել է, որ երկար տարիներ Աֆրինից երբեւէ որեւէ ռումբ կամ հրթիռ չի արձակվել Թուրքիայի ուղղությամբ։ նա շեշտել է, թե այդ ռումբերը չգիտես ինչպես սկսեցին արձակվել Թուրքիայի ուղղությամբ, երբ Թուրքիան հայտարարեց Աֆրինի գործողության մասին։

Փայլանը նշել է, որ Սիրիայի հետ սահմանակից գյուղերի բնակիչները պնդում են, որ արձակված հրթիռները ոչ թե Աֆրինից են, այլ հարեւան գյուղից են արձակվում եւ ունեն այդ ամենը ապացուցող տեսագրություններ։