News
Լրահոս
News
Չորեքշաբթի
Հունվար 16
Տեսնել լրահոսը

Վարչապետ Կարեն Կարապետյանն այսօր ընդունել է Ամերիկայի Միացյալ Նահանգների պետքարտուղարի Եվրոպայի եւ Եվրասիայի հարցերով փոխտեղակալ Բրիջիթ Բրինքին:

Վարչապետը ողջունել է տիկին Բրինքի այցը Հայաստան եւ կարեւորել բարձրաստիճան պաշտոնական փոխայցերը՝ հայ-ամերիկյան գործընկերային հարաբերությունների օրակարգը քննարկելու եւ զարգացման հեռանկարները նախանշելու առումով: Կարեն Կարապետյանն արդյունավետ է գնահատել այսօր կառավարությունում ԱՄՆ ՄԶԳ ներկայացուցիչների հետ Հայաստանում իրականացվող ծրագրերի վերաբերյալ կազմակերպված շնորհանդես-քննարկումը: Վարչապետ Կարապետյանը նշել է, որ Հայաստանի կառավարությունը շարունակելու է բոլոր ոլորտներում սկսված բարեփոխումները՝ հստակ պատկերացնելով երկրի տնտեսական զարգացման եւ առաջընթացի տեսլականը:

ԱՄՆ պետքարտուղարի փոխտեղակալը ողջունել է ՀՀ կառավարության նախաձեռնած բարեփոխումները՝ նշելով, որ այսօր գործարար համայնքի ներկայացուցիչների հետ հանդիպման ժամանակ արդեն իսկ շատ դրական արձագանքներ է լսել հարկային ու մաքսային վարչարարության ոլորտում կատարվող փոփոխությունների եւ առաջընթացի վերաբերյալ: Բրիջիթ Բրինքն ընդգծել է, որ ԱՄՆ-ն ակտիվ աշխատում է հայաստանյան գործընկերների հետ՝ համագործակցության օրակարգն ընդլայնելու եւ տնտեսական կապերն առավել խորացնելու շուրջ:

Անդրադառնալով երկկողմ տնտեսական կապերի զարգացման հեռանկարներին՝ զրուցակիցները կարեւորել են համատեղ հարթակների՝ Առեւտրի եւ ներդրումների համաձայնագրի (TIFA) շրջանակում ստեղծված Հայ-ամերիկյան խորհրդի եւ Հայ-ամերիկյան միջկառավարական հանձնաժողովի ակտիվ աշխատանքը: Վարչապետն առաջարկել է դիտարկել մի շարք ոլորտներում (ՏՏ, գյուղատնտեսություն եւ այլն) բիզնես ծրագրերի իրականացման հնարավորությունները՝ գոհունակություն հայտնելով էներգետիկայի, տեղեկատվական եւ բարձր տեխնոլոգիաների, զբոսաշրջության բնագավառներում ընթացիկ գործակցությունից:

Երկուստեք կարեւորվել է այս տարվա մարտին Վաշինգտոնում Հայ-ամերիկյան խորհրդի երկրորդ նիստի անցկացումը: Բրիջիթ Բրինքն ընդգծել է, որ «հանդիպումից ակնկալում ենք հստակ գաղափարներ մեր տնտեսական գործընկերությունն առաջ մղելու ուղիների վերաբերյալ»:

Գործարար միջավայրի բարելավմանն ուղղված քայլերի համատեքստում ՀՀ վարչապետը եւ ԱՄՆ պետքարտուղարի փոխտեղակալը մտքեր են փոխանակել դատաիրավական ոլորտի, պետական կառավարման համակարգի բարեփոխումների, կոռուպցիայի դեմ պայքարի շրջանակում իրականացվող միջոցառումների, երկկողմ տնտեսական գործակցության զարգացման հեռանկարների շուրջ:

Զրուցակիցները վերահաստատել են արդյունավետ համագործակցությունը զարգացնելու եւ սերտացնելու պատրաստակամությունը:

 

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
ԱՄՆ-ում ՀՀ դեսպան Վարուժան Ներսեսյանն իր հավատարմագրերն է հանձնել ԱՄՆ նախագահին
Ողջունելով նախագահ Թրամփին ՀՀ նախագահի, վարչապետի ու ժողովրդի անունից` դեսպան Ներսեսյանը նշել է, որ իր համար մեծ պատիվ ու պատասխանատվություն է...
Հայերի բարեկամ Էլիոտ Էնգելը կգլխավորի Կոնգրեսի արտաքին հարաբերությունների կոմիտեն
Հայ դատի հանձնախումբն անհաբերությամբ սպասում է կոնգրեսականի հետ աշխատանքը շարունակելու հնարավորությանը...
Հայ Դատի հանձնախումբը պատրաստ է համագործակցել դեսպան Թրեյսիի հետ՝ լավացնելու հայ-ամերիկյան հարաբերությունները.Համբարյան
Քաղաքական խաղաղ իշխանափոխությամբ եւ ժողովրդավարության զարգացման պայմաններով հատկանշված մեկ տարի հետո...
ԱՄՆ-ի եւ Հայաստանի միջեւ բաց երկխոսություն է ընթանում. Ռաֆիկ Մանսուրը՝ Հայկ Մարությանին
Հայկ Մարությանն ընդունել է ԱՄՆ գործերի ժամանակավոր հավատարմատար...
ԱՄՆ դեսպանատները շարունակում են վիզային ծառայությունների մատուցումը, բայց իրավիճակը կարող է փոխվել. դեսպանատուն
Նաեւ տեղեկացնում ենք, որ քանի դեռ ԱՄՆ կառավարությունը չի վերադարձել բնականոն գործունեության, այս էջում հրատապ տեղեկություններից զատ այլ հրապարակումներ չեն լինի...
Կոնգրեսի հայկական հարցերով հանձնաժողովը կոչ է անում Պետդեպարտամենտին ակտիվացնել երկխոսությունը Հայաստանի հետ
Հանձնաժողովի անդամները նամակ են հղել ԱՄՆ պետքարտուղար Մայք Պոմպեոյին...