News
Լրահոս
News
Երեքշաբթի
Հոկտեմբեր 22
USD
475.96
EUR
530.36
RUB
7.48
ME-USD
0.08
Տեսնել լրահոսը


Բուլղարիայի նախագահ  Ռումեն Ռադեւի գլխավորած պատվիրակությունն, այսօր՝ փետրվարի 12-ին, Հայաստանի ԱԳ նախարար Էդվարդ Նալբանդյանի եւ Երեւանի քաղաքապետ Տարոն Մարգարյանի ուղեկցությամբ այցելել է Ծիծեռնակաբերդի հուշահամալիր (ֆոտոռեպորտաժ):

Պատվիրակության անդամները ծաղկեպսակ են դրել Հայոց ցեղասպանության զոհերի հիշատակը հավերժացնող հուշակոթողին, ծաղիկներ խոնարհել անմար կրակի մոտ եւ լռությամբ հարգել Սուրբ նահատակների հիշատակը:

Նրանք եղել են նաեւ Հայոց ցեղասպանության թանգարան-ինստիտուտում, ծանոթացել ցուցանմուշներին: Ռումեն Ռադեւը գրառում է կատարել հուշամատյանում: Բուլղարիայի նախագահը նաեւ եղեւնի է տնկել հիշատակի պուրակում:

Ավելի վաղ NEWS.am-ը հայտնել էր, որ փետրվարի 11-ի երեկոյան Հայաստան է ժամանել Բուլղարիայի նախագահ  Ռումեն Ռադեւը։ Նա Հայաստան է ժամանել ՀՀ նախագահ Սերժ Սարգսյանի հրավերով։

Այցի շրջանակներում նախատեսված են Բուլղարիայի Հանրապետության նախագահի հանդիպումները ՀՀ բարձրագույն ղեկավարության՝ նախագահի, Ազգային ժողովի նախագահի, վարչապետի հետ:

Նախագահ Ռումեն Ռադեւին Մայր Աթոռ Սուրբ Էջմիածնում կհյուրընկալի նաեւ Գարեգին Բ Ամենայն Հայոց Կաթողիկոսը: Վեհափառ Հայրապետի հետ հանդիպումից հետո Բուլղարիայի նախագահը կայցելի Մայր Տաճար եւ գանձատուն:

Հանրապետության նախագահի նստավայրում հայ-բուլղարական բարձր մակարդակի բանակցությունների ավարտին նախագահներ Սերժ Սարգսյանը եւ Ռումեն Ռադեւը ԶԼՄ-ների առջեւ հանդես կգան հանդիպման արդյունքներն ամփոփող հայտարարություններով: Նախատեսվում է նաեւ Հայաստանի եւ Բուլղարիայի միջեւ մի շարք ոլորտներում երկկողմ համագործակցության ընդլայնմանն ու խորացմանն ուղղված փաստաթղթերի ստորագրման արարողություն:

Հայաստան պետական այցի շրջանակներում Բուլղարիայի Հանրապետության նախագահը կայցելի նաեւ Մատենադարան, «Թումո» ստեղծարար տեխնոլոգիաների կենտրոն եւ Պեյո Յավորովի անվան թիվ 131 միջնակարգ դպրոց:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Թրամփի խորհրդականներն առաջարկել են նրան ճանաչել Հայոց ցեղասպանությունը. Newsweek
Թրամփը չի օգտագործել Հայոց ցեղասպանության դիվանագիտական լծակը…
Կալիֆոռնիայից կոնգրեսական Թեդ Լիուն CNN-ի ուղիղ եթերում ԱՄՆ-ին կոչ է արել ճանաչել Հայոց ցեղասպանությունը
Մենք պետք է ոչ միայն Թուրքիայի դեմ պատժամիջոցներ սահմանենք, այլ նաեւ եկել է Հայոց ցեղասպանությունը պաշտոնապես ճանաչելու ժամանակը…
Ժամանակն է ձայների ճնշող մեծամասնությամբ ճանաչել Հայոց ցեղասպանությունը․ Բրեդ Շերման
Եկել է ժամանակը վերջ դնելու Թուրքիայի հետ հարաբերություններում մեր անպատվաբեր վիճակին․․․
Тhank you, world. Գյումրիում դպրոցականները ուղերձ են հղել աշխարհին (ֆոտոռեպորտաժ)
«Ավրորա» ֆորումի շրջանակում հանրային միջոցառումների մեկնարկը տրվեց Երախտագիտության ֆլեշմոբով...
Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ
«Այն բանից հետո, երբ այս տարվա ապրիլի 24-ին Թուրքիայի նախագահը փորձեց արդարացնել հայ ժողովրդի նկատմամբ իրականացված ցեղասպանությունն իր պատմական հայրենիքում, այդ թեմայով նրա որեւէ հայտարարություն մեկնաբանության արժանի չէ...
Մոլդովայի խորհրդարանում առաջին անգամ անդրադարձել են Հայոց ցեղասպանության ճանաչման հարցին
Դեսպանների նշանակման մասին լսումների ընթացքում Հայկ Վարդանյանը հարց է ուղղել Թուրքիայիում Մոլդովայի դեսպանի թեկնածուին...