ՌԴ Տուրիզմի դաշնային գործակալությունը տուրիստական ինդուստրիայի այլ ներկայացուցիչների հետ միասին վերլուծել է փետրվարի 23-ին՝ Հայրենիքի պաշտպանի օրը, հանգստի համար ռուսաստանցիների նախապատվությունները:
2018 թվականին Ռուսաստանի քաղաքացիները կհանգստանան 3 օր՝ փետրվարի 23-25-ը:
Փետրվարյան տոներին մեծ պահանջարկ ունեն Թուրքիան (63 տոկոս), Չեխիան, Էստոնիան, Հունաստանը: Դրանից զատ, անցյալ տարվա համեմատությամբ՝ 2018-ի փետրվարին ռուսաստանցիներն ակտիվորեն տուրեր են ամրագրում Հայաստան, Վրաստան եւ Ադրբեջան ուղղություններով: Այս տուրերի արժեքը միջինը 20-25 հազար ռուբլի է (գրեթե 350-432 դոլար), նշված է «Տոստուրիզմի» կայքում հրապարակված հաղորդագրության մեջ:
Տոմսերի օնլայն ամրագրման Biletix ծառայության տվյալներով՝ արտասահմանյան ուղղություններից ավելի հայտնի են Թբիլիսին, Թել Ավիվը, Դուբայը, Փհուքեթը եւ Ստամբուլը:
2017-ին Վրաստան է այցելել ավելի քան 7,5 մլն միջազգային այցելու, ինչը 18,8 տոկոսով գերազանցում է 2016-ի ցուցանիշը: Ռուսաստանի քաղաքացիների թիվը կազմել է 1,3 մլն մարդ, ինչը 30 տոկոսով ավելի է 2016-ի համեմատությամբ: