Ֆլորիդա նահանգի Փարքլենդ քաղաքի դպրոցում հրաձգություն է եղել։ Նախնական տվյալներով, կան վիրավորներ։ Բրոուարդ շրջանի շերիֆի գրասենյակը հաստատել է վիրավորների լուրը, սակայն ճշտված տվյալներ դեռ չի ներկայացրել։
Տարբեր գործակալություններ նշում են, որ վիրավորների թիվը մոտ երկու տասնյակ է։ Դեպքը տեղի է ունեցել Stoneman Douglas դպրոցում։ Ոստիկանները շրջափակել են դպրոցի տարածքը, տեղում նաեւ բժիշկներ են աշխատում։ Իրավապահները քաղաքացիներին հորդորել են հեռու մնալ դպրոցի տարածքից, եւ թաքնվել անվտանգ վայրում։
Կասկածյալի ինքնությունը եւս չի հաղորդվում, նրան դեռ չեն ձերբակալել։ Դեպքի մասին տեղեկացրել են նաեւ նախագահ Թրամփին։