Ցանկացած գնով քաղաքացիների եկամուտների ավելացումն անթույլատրելի է: Այս մասին, այսօր՝ փետրվարի 16-ին, ԱԺ-ում Հարկային օրենսգրքի փոփոխությունների քննարկման ժամանակ նշեց ՀՀԿ խմբակցության պատգամավոր Խոսրով Հարությունյանը:
Նրա խոսքով, քաղաքացու եկամուտի ավելացումը պետք է բացառապես պայմանավորված լինի արտադրողականության աճով. «Ունեք տնտեսական աճ, կունենաք եկամուտների ավելացում, չունեք տնտեսական աճ, ցանկացած արհեստական եկամտի ավելացում բերելու է գնաճի եւ ավելի սարսափելի հետեւանքների: Ես ասել եմ՝ գրպանումս լուծումներ չունեմ, բայց կարծում եմ՝ կգտնենք լուծումներ»:
Խոսրով Հարությունյանը նաեւ համոզմունք հայտնեց, որ ամենամեծ խնդիրը ոչ թե որեւէ շուկայում մենաշնորհ ունենալն է, այլ կարտելային համաձայնություններն են, երբ տնտեսվարողները պայմանավորվում են, թե ինչ գնով ապրանքը ծախեն:
«Բացահայտել այդ համաձայնությունները լրջագույն խնդիր է, ինձ չի թվում, որ ՏՄՊՊՀ-ի գործիքակազմը բավարար է դա բացահայտելու համար: Ու բոլորովին կապ չունի, թե քանի տնտեսվարող է գործում շուկայում»:
Որքա՞ն է իրականում կազմել գնաճը. Փաշինյանի ուսումնասիրությունը հետաքրքիր փաստեր է պարզել