Մոսկվայի թատերական ստուդիաներից մեկի աշակերտուհին 14-րդ հարկից ընկնելով ողջ է մնացել եւ մի քանի րոպե անց դանակի բազմաթիվ հարվածներից մահացել է, հաղորդում է «Մոսկովսկի կոմսոմոլեցը»:
Ըստ ականատեսի՝ աղջիկը, որի անունը չի բացահայտվում, ընկել է ասֆալտի վրա, որից հետո բարձրացել է, ուղղել հագուստը եւ մտել շենքի շքամուտք:
Աղջկա մարմինը բնակարանում հայտաբերել են շտապ օգնության աշխատակիցները՝ կտրող-ծակող գործիքի բազմաթիվ վնասվածքներով: Բժշկական փորձաքննությունը ցույց է տվել, որ մահից առաջ նա հոգեմետ դեղեր է օգտագործել:
Նշվում է, որ աղջիկը թմրաբանի մոտ է այցելել թմրանյութերի մոլուցքի պատճառով: