Իրանում կիրակի կործանված իրանական Aseman Airlines ավիաընկերության օդանավը մեկ ամսից պակաս ժամանակ առաջ հարկադրված էր վթարային վայրէջք կատարել տեխնիկական անսարքությունների պատճառով, հայտնում է ISNA-ն:

Գործակալության տեղեկություններով՝ հունվարի վերջին թռիչքներից մեկի ժամանակ օդանավը բախվել է տեխնիկական անսարքությունների: Դա տեղի է ունեցել հունվարի 25-ին, երբ օդ է բարձրացել երկրի մայրաքաղաքի Մեհրաբադ օդանավակայանից, սակայն որոշ ժամանակ անց ստիպված է եղել վերադառնալ անսարքության պատճառով:

Ինչպես նշում է գործակալությունը, դրանից հետո անսարքությունը վերացրել են, եւ օդանավը շարունակել է թռիչքներ իրականացնել մինչ այն օրը, երբ 66 ուղեւորով հանդերձ աղետի է ենթարկվել՝ մխրճվելով Իրանի կենտրոնական մասում գտնվող լեռնաշղթաներից մեկի մեջ:

Aseman Airlines ավիաընկերության ATR օդանավը, որը Թեհրան-Յասուջ թռիչք էր իրականացնում, կիրակի առավոտյան օդ է բարձրացել տեղական ժամանակով առավոտյան 8-ին եւ անհետացել գրեթե 50 րոպե անց: Օդանավը մխրճվել է Դենա լեռնաշղթայի մեջ, երբ վերջնակետին հասնելուն քիչ էր մնացել: Օդանավում եղել է 66 մարդ՝ 60 ուղեւոր, այդ թվում՝ մեկ երեխա, եւ անձնակազմի 6 անդամ:

Իրանի հատուկ ծառայությունները չեն կարողանում հասնել լեռներում կործանված օդանավի աղետի վայր

Իրանում կործանված ինքնաթիռում հայեր կամ ՀՀ քաղաքացիներ չեն եղել

Իրանում կործանված օդանավում եղած բոլոր անձինք զոհվել են