«Իսլամական պետություն» ահաբեկչական խմբավորումը ստանձնել է Դաղստանի Կիզլյար քաղաքի եկեղեցու ծխականների սպանության պատասխանատվությունը: Այս մասին հայտնել է ծայրահեղականների ակտիվության տեղակատվական մոնիթորինգ անցկացնող SITE Intelligence Group կազմակերպությունը, փոխանցում է «ՌԻԱ Նովոստի»-ն: 

Հրապարակումից հետեւում է, որ ԻՊ-ն իր մասնակցության ապացույցներ չի ներկայացրել:

Կիզլյարում հրաձգության հետեւանքով, ոըը 22-ամյա Հալիլ Հալիլովը որսորդական հրացանով կազմակերպել էր ուղղափառ Թողության Կիրակի եկեղեցում, 5 տարեց կին է մահացել, եւս 4-ին հոսպիտալացրել են: Տուժածների թվում երկուսը իրավապահ մարմինների աշխատակիցներ են:

Հարձակվողը սպանվել է Ռոսգվարդիայի աշխատակիցների կողմից:

Հարձակման փաստով քրեական գործ է հարուցվել «երկու եւ ավելի մարդկանց սպանության», «իրավապահ մարմինների աշխատակցի կյանքի դեմ ոտնձգության» հոդվածներով:

Կիզլյարում տեղի ունեցած կրակահերթի հետեւանքով զոհվածների թվում է նաեւ հայազգի Նադեժդա Թերլիյանը