Ալյասկայի արեւմտյան ափին հետազոտողները սառցե ծածկույթի զգալի նվազում են նկատել: Կլիմայի փոփոխությունը եւ սառույցի ծածկույթի կրճատումը դեռ չի անհանգստացնում գիտնականներին. այժմ սառցե խոչընդոտների կրճատումը մեծ հնարավորություններ է ստեղծում՝ օգատակար հանածոների որոնումից մինչեւ նավագնացության հեշտացում, փոխանցում է «Լայֆ»-ը: Սակայն այն, ինչ տեղի է ունենում հյուսիսային լայնություններում, կարող է իրական աղետի վերածվել. կլիմայական փոփոխությունները ոչ միայն կարող են Ալյասկայի նման հյուսիսային շրջանները չափավոր եւ այս տեղանքների համար անգամ «արեւադարձային» ջերմաստիճաններով գոտիների վերածել, այլ նաեւ՝ վնաս հասցնել տնտեսությանը:
Այս խնդիրները քննարկվել են Նորվեգիայում Arctic Frontiers կոնգրեսի շրջանակներում: Նորվեգիայի Բերգեն համալսարանի հետազոտողները նշել են, որ նույնիսկ ձմռանը սառույցի կրճատումը կարող է խոսել գործընթացների մեկնարկի մասին, որոնց հետեւանքները մարդկությունը չի կարող կանխել: