«Փաստ» օրաթերթը գրում է.
Օրերս Ավանում տաքսու վարորդը, առանց մեքենայի շարժիչն անջատելու, կայանում է խանութի դիմաց եւ վազքով մտնում խանութ՝ ծխախոտ գնելու: Մեծ էր նրա զարմանքը, երբ խանութից դուրս գալով, տեսել է, որ «Օպել» մակնիշի իր ավտոմեքենան չկա:
Ընդամենը 20–25 վայրկյանում «աճպարարները» գողացել էին տաքսին: Ասում են, թե մի քանի օր «տաքսու տակ» քշել են ավտոմեքենան: Հինգերորդ օրը այն հայտնաբերվեց Եղվարդում՝ առանց շարժիչի, անվադողերի, փոխանցման տուփի ու լուսարձակների:
Գողերը ձերբակալվել են: Տեսանկարահանման սարքը ֆիքսել էր ավտոմեքենան գողացողների երջանիկ դեմքերը:
Շարունակությունը՝ թերթի այսօրվա համարում
