Հայաստանի անկախությունը անհակադարձելի է։ Այդ մասին այսօր՝ փետրվարի 20-ին Ազատության հրապարակում ՀԱԿ կազմակերպած տոնական հավաքում հայտարարել է ՀՀ Ազգային ժողովի նախկին նախագահ Բաբկեն Արարքցյանը։
Խոսելով Հայաստանի երեք Հանրապետությունների մասին՝ նա նշել է. «Առաջինը Հանրապետությունը ստեղծվեց սպոնտան ձեւով, Առաջին աշխարհամարտի եւ Ռուսաստանի հեղաշրջման հետեւանքով, Երկրորդ Հանրապետությունը Ռուսաստանի ագրեսիայի շնորհիվ կարմիր բանակը մտավ եւ հաստատեց բոլշեւիկյան ռեժիմ։ Երրորդ Հանրապետությունը հիմնադրվեց բացարձակապես լեգիտիմ ձեւով»,- ասել է նա եւ հավելել. «Հաշվի առնելով այսօրվա Ռուսաստանի կայսերապաշտական նկրտումները, համոզված եմ, որ ապահովված են մեր անկախության նկատմամբ ցանկացած ոտնձգություններով։ Անկախությունը անհակադարձելի է»։
Բաբկեն Արարքցյանը նշեց, թե իրեն հարցնում են այսօրվա իրավիճակի մասին։ «Քանի որ այսօր տոն է, պետք է ծիծաղենք եւ ուրախանանք, բայց մեկ անեկդոտ պատմեմ։ Մեկը գալիս է բժշկի մոտ եւ գանգատվում, որ իր մարմնի բոլոր մասերը ցավում են։ Բժիշկը հետազոտում եւ ասում է. «Ձեր մատն է կոտրված»։