Սիրիական Աֆրինում քրդերը, որտեղ հունվարի վերջից Թոուրքիայի ԶՈՒ-ն քրդական կազմավորումների դեմ գործողություն է իրականացնում, միջազգային հանրությանն ու ՄԱԿ ԱԽ-ին կոչ է արել կատարել ստանձնած պարտավորությունները եւ Թուրքիայի վրա ճնշում գործադրել:
«Մենք միջազգային հանրությունից պահանջում ենք կատարել իր ստանձնած պարտավորությունները, մենք պահանջում ենք մարդու իրավունքների պահպանում: Բոլոր երկրները եւ հատկապես ՄԱԿ ԱԽ անդամները, նորառյալ Ռուսաստանը եւ ԱՄՆ-ն, պետք է կատարեն պարտավորությունները, որի տակ ստորագրել են ՄԱԿ_ում: Մենք մարդու իրավունքներ ենք պահանջում: 21-րդ դարում շա՞տ բան ենք պահանջում: Մենք պահանջում ենք, որ մեզ չբնաջնջեն թունավոր նյութերով եւ նապալմով: Ես ասում եմ ոչ որպես զինվորական, այլ քաղաքացիական անձանց անունից»,- «ՌԻԱ Նովոստի»-ին ասել է Աֆրինի ինքնապաշտպանության քրդական ուժերի պաշտոնական ներկայացուցիչ Ռեյզան Հեդուն:
Խոսելով թուրքական ռազմական գործողության արդյունքների մասին՝ Հեդուն նշել է, որ «թուրքական բանակի միակ ձեռքբերումը քաղաքացիական անձանց շրջանում գրեթե 480 վիրավորներն են, որոնցից 27-ը երեխաներ են»: «Նրանք ոչնչացրել են ենթակառուցվածքները, կենսապահովման օբյեկտները, դպրոցները եւ պատմական հուշարձանները՝ ահա թե որոնք են նրանց ռազմական ձեռքբերումները»,- ասել է նա: