«Ելք» դաշինքն առաջարկում է վերսկսել ընդդիմադիրների եւ ակտիվիստների գործերը, ինչպես նաեւ վերանայել մեր խմբակցության ղեկավար Նիկոլ Փաշինյանի դեմ կայացված դատական ակտը, որը 2008-ի մարտի 1-ի հանրահավաքների կազմակերպիչներից մեկն էր, որի համար բանտարկության իրական ժամկետ ստացավ: Փետրվարի 21-ին ԱԺ պետաիրավական եւ մարդու իրավունքների հարցերով մշտական հանձնաժողովի նիստում նման պահանջով հանդես եկավ «Ելք» դաշինքի պատգամավոր Արտակ Զեյնալյանը:
Դրանից զատ, ընդդիմադիր պատգամավորը նաեւ պահանջեց վերանայել հանրահավաքների մյուս կազմակերպիչների եւ մասնակլիցների գործերը: «Այս պահին բոլոր գործերով ՄԻԵԴ հետ կոմունիկացիաներն ավարտվել են: Սակայն Հայաստանում կարող են փորձել առաջ անցնել եւ այս բոլոր գործերը նրանցից շուտ վերանայել: Դրա համար իրավական բոլոր հիմքերը կան, քանի որ քաղաքացիների իրավունքները կոպտագույն ձեւով են խախտվել»,- շեշտեց Զեյնալյանը:
Ըստ որում՝ նա նշեց, որ Հայաստանում ոչ արդյունավետ քննության դեմ իրավական պաշտպանության ոչ մի միջոց չկա, որոնք կան նույնիսկ Ռուսաստանում: Դրանից ելնելով՝ ընդդիմադիր պատգամավորն առաջարկեց, որ Հայաստանի Ազգային ժողովը դիմի գործադիր իշխանությանը, ինչը, նրա կարծիքով, ավելի կարճ ժամկետում ավելի շոշափելի դրական արդյունքներ կունենա: Դրա հետ մեկտեղ, Արտակ Զեյնալյանը կարծիք հայտնեց, որ 2008 թվականի մարտի 1-ին հանրահավաքը ցրելիս զոհերի թիվը, ավելի շուտ, անցել է 10 մարդուց, քանի որ բոլոր հիմքերը կան այս տվյալներին անվստահություն հայտնելու համար:
«Ես այդ օրը զոհված 10 քաղաքացիներից 9-ի իրավահաջորդների ներկայացուցիչն եմ: Իմ տրամադրության տակ են բոլոր դատաբժշկական փորձաքննությունների եզրակացությունները: Նրանցից ոչ մեկի լեզուն պոկված չէր: Սակայն այն օրերին մենք պատահաբար փողոցում մարդու ծնոտ եւ լեզու տեսանք»,- եզրափակեց ընդդիմադիր պատգամավորը:
Հիշեցնենք, որ 2008 թվականի մարտի 1-ին իշխանությունը ուժ կիրառեց Երեւանի կենտրոնում ցույց անող ընդդիմության նկատմամբ, զոհվեց 8 ցուցարար եւ ներքին զորքերի 2 զինծառայող։ Մարդկանց զոհվելու համար ոչ ոք այդպես էլ պատասխանատվություն չկրեց։
