Եվրամիությունը կսկսի պատժամիջոցներ նախապատրաստել Մյանմարի գեներալների նկատմամաբ ռոհինջ մուսուլմանների սպանությունների կապակցությամբ: Այս մասին հաղորդում է Reuters գործակալությունը՝ վկայակոչելով դիվանագետներին:

«Նախարարները կոչ կանեն ԵՄ արտաքին քաղաքականության գերագույն հանձնակատարին (Ֆեդերիկա) Մոգերինիին սահմանափակող միջոցներ ձեռնարկել Մյանմարի զինված ուժերի բարձրաստիճան անդամների համար մարդու իրավունքների համակարգված խախտումների կապակցությամբ», - ասել է դիվանագետը: Արտաքին գործերի նախարարները նաեւ խնդրում են Մոգերինիին քննարկել Մյանմարին զենքի մատակարարման արգելքն ուժեղացնելու հնարավորությունները: