Հայաստանում Ճարտարապետների պալատ կստեղծվի: Այս մասին փետրվարի 23-ին լրագրողների հետ հանդիպման ժամանակ ասաց Քաղաքաշինության պետական կոմիտեի նախագահ Նարեկ Սարգսյանը:
Նրա խոսքով՝ մասնագիտական միավորումը կվարի ճարտարապետների ռեեստր, նրանց կգրանցի եւ լիցենզիաներ կտա, կհաստատի էթիկայի կանոնները եւ կվերահսկի վիջինին հետեւելը: Պալատը նաեւ կրթական ծրագրեր կմշակի եւ թրենինգներ կանցկացնի շրջանավարտների ստաժավորման կանոնները որոշելու, կազմակերպելու եւ դրանց պատշաճ կատարմանը հետեւելու, նմուշային ձեւերի, աշխատանքների եւ ծառայությունների գնահատման մեթոդական հրահանգների համար:
Պաշտոնյան նշեց, որ մասնագիտական պալատի ստեղծումը նախատեսված է «Ճարտարապետական գործունեության մասին» օրենքով, որը մշակվել է Քաղաքաշինության կոմիտեի եւ Հայաստանի Ճարտարապետների միության հետ համատեղ եւ ընդունվել է 2017-ի դեկտեմբերի 6-ին: «Ենթադրվում է, որ պալատը կստեղծվի 2018-ի մարտին»,- հավելեց Նարեկ Սարգսյանը: